Me shumë gëzim ndajmë me ju momentet kyçe nga ceremonia e diplomimit, një festim i rëndësishëm i jo vetëm arritjeve akademike por edhe i udhëtimit të jashtëzakonshëm 15 vjeçar të ISTL dhe i akreditimit nga ECTE.

Për 15 vjet, ISTL ka qenë një pishtar besimi, diturie dhe udhëheqësie, duke ushqyer mendjet dhe zemrat e studentëve tanë. Misioni ynë për të fuqizuar udhëheqësit e ardhshëm në sferën e teologjisë dhe udhëheqësisë së krishterë nuk është lëkundur kurrë dhe kjo arritje qëndron si një dëshmi e dedikimit dhe pasionit të të gjithë komunitetit të ISTL.

Të diplomuar, udhëtimi juaj fillon këtu!

Për të diplomuarit, keni arritur në një pikë domethënëse të udhëtimit tuaj. Po largoheni nga ISTL të pajisur me besim, dituri dhe aftësi udhëheqësie që do t’ju ndriçojnë rrugën. Mezi presim të shohim se si do ta përdorni arsimimin për të sjellë ndryshim në komunitet dhe më gjerë.

Akreditimi – Një dëshmi hiri

Ne jemi thellësisht të përulur dhe të nderuar të themi se ISTL është shkolla e parë në Shqipëri me një akreditim nga ECTE. Kjo njohje nuk është thjesht një nderim; por është një dëshmi e standardeve të larta të edukimit dhe etikës që ISTL ka. Ai afirmon zotimin tonë për të siguruar edukim të veçantë në teologji.

Një falënderim i përzemërt

Ne shprehim mirënjohjen tonë të përzemërt ndaj studentëve, alumni, mësuesve, stafit dhe miqve që kanë qenë pjesë e këtij udhëtimi të pabesueshëm. Bashkë, kemi ndërtuar një komunitet që lulëzon dhe të dedikuar ndaj Krishtit.

Shikoni videon: Zbulo momentet e veçanta nga ceremonia e diplomimit dhe festo me ne. Vizito faqen tonë të internetit për të qëndruar i përditësuar me lajmet dhe ngjarjet që na presin!